ايام مباركة اغتنمو الفرصة

:حبيت اعيد عليكو بمناسبة قرب رمضان واذكركم اننا فى ايام مباركة حاولو تستفيدو باكبر كمية من الحسنات لانها مضاعفة بامر الله.
ممكن نحط خطة بسيطة للتقرب من الله فى هذة الفترة المباركة طالما فينا عمر.
اولا :
تخصيص فترة يوميا لقراءة جزء من القران
ممكن نخصص فترة مثلا بعد صلاة العشاء او بعد الفجر او حتى نتفق بعد كل صلاة نقرا صفحتين من المصحف على اخر اليوم حتلاقى نفسك خلصت جزء من المصحف، وعشان تزيد همتك اكتر حطى ورقة فى اخر المصحف ، كل ماتخلصي جزء تعلمى علامه (/) لان هذا يحفز الفرد انه يخلص الورقة .
ثانيا : التسبيح طوال اليوم
ثالثا :امسك لسانى
متجيش واحدة تشد لسانها وتقول انا السبب (هههههه)انا اقصد نقلل من كلام التليفون فى الحاجة اللى لا حتزيدنى لما اعرفها ولا تقللنى لما اطنشها ( يعنى النهى عن اللغو من الكلام ) ياجماعة الجنة تستاهل نتعب ليها شوية زيادة لان جايزتها كبيرة اوى ولو كل واحدة افتكرت نهر الكوثر ويبدنا محمد الكريم يشربنا بيدة الكريمة . ياااااا دى لوحدها تخلينى اربط لسانى عشان الخير اللى وراه
يارب يعجبكو موضوعى ويفيدكو امين